剪報

孔 少 林 ： 贏 錢 要 三 戒 三 學
繼 原 復 生 後 ， 接 棒 為 《 信 報 》 寫 「 原 是 物 語 」 的 孔 少 林 ， 較 早 前 被 《 壹 週 刊 》 找 出 「 真 身 」 。 原 來 孔 少 林 背 後 有 3 個 「 大 腦 」 ， 分 別 是 曾 駿 傑 、 陳 建 良 和 梁 凱 同 。 他 們 有 不 同 的 背 景 ， 相 同 處 是 大 家 都 是 價 值 投 資 法 的 信 徒 ， 綜 合 3 個 「 大 腦 」 的 投 資 心 得 ， 要 在 股 市 贏 錢 ， 方 法 是 戒 掉 散 戶 常 犯 的 錯 誤 ， 如 投 機 、 姓 賴 、 亂 信 消 息 ； 學 識 專 家 的 投 資 策 略 、 專 注 分 析 及 避 免 蝕 本 。

陳 建 良 戒 姓 賴 學 專 注
大 學 時 代 曾 參 加 模 擬 投 資 比 賽 的 陳 建 良 ， 最 能 體 會 散 戶 心 態 ， 「 散 戶 輸 錢 ， 很 多 時 會 賴 大 戶 舞 高 弄 低 ， 事 實 上 投 資 市 場 只 得 贏 同 輸 ， 唔 係 以 散 戶 、 大 戶 做 分 野 。 」 他 認 為 ， 對 很 多 散 戶 來 說 ， 將 10 萬 元 本 金 變 成 100 萬 不 是 難 事 ， 但 往 往 不 能 以 相 同 速 度 ， 將 100 萬 變 成 1000 萬 ， 原 因 是 沒 有 做 好 管 理 資 產 的 準 備 。 無 論 資 產 多 少 ， 投 資 時 最 重 要 是 從 回 報 考 慮 ， 能 否 找 到 吸 引 的 投 資 機 會 ， 在 於 是 否 對 目 標 股 份 有 深 入 了 解 。 「 好 多 人 比 較 同 類 股 份 純 以 PE （ 市 盈 率 ） 粗 略 地 比 較 ， 事 實 上 每 家 公 司 都 屬 不 同 個 體 ， 有 其 靈 魂 ， 值 唔 值 得 投 資 都 要 計 過 晒 數 。 」

買 前 重 視 買 後 抽 離
另 外 ， 他 指 出 投 資 股 票 最 重 要 是 專 注 ， 「 一 個 成 功 的 投 資 者 ， 不 在 於 認 識 1400 間 或 是 1500 間 上 市 公 司 ， 而 是 識 少 而 熟 ， 對 行 業 及 股 份 有 深 入 理 解 ， 投 資 時 要 抱 既 重 視 又 抽 離 的 心 態 ， 買 入 前 重 視 （ 做 足 功 課 分 析 ） ， 買 入 後 抽 離 （ 不 介 懷 短 期 波 動 ） ， 才 是 投 資 竅 門 。 」 多 年 投 資 生 涯 ， 電 盈 （ 008 ） 可 說 是 他 最 難 忘 的 投 資 ， 2000 年 以 4 至 5 元 買 入 ， 當 升 至 25 元 時 沽 掉 一 半 ， 另 一 半 則 在 跌 至 1.6 元 時 悉 售 。 這 次 經 歷 令 他 深 刻 之 處 不 在 乎 賬 面 輸 贏 ， 而 是 讓 他 在 一 年 多 見 證 一 個 泡 沫 ， 是 難 得 經 驗 。
陳 建 良 小 檔 案

‧ 香 港 大 學 電 腦 工 程 學 士 ‧ 中 文 大 學 工 商 管 理 碩 士 ‧ 07 年 起 出 任 華 富 嘉 洛 資 產 管 理 高 級 研 究 分 析 員

曾 駿 傑 戒 講 Feel 學 有 View
「 投 資 想 賺 多 ， 第 一 樣 唔 係 估 上 升 潛 力 ， 反 而 係 考 慮 風 險 ， 揀 股 時 小 心 ， 避 免 蝕 錢 ， 已 經 係 贏 錢 第 一 步 。 」 所 以 ， 曾 駿 傑 揀 股 時 首 要 考 慮 是 公 司 的 管 理 ， 買 入 長 期 具 潛 力 的 股 份 最 穩 陣 ， 豐 （ 005 ） 可 說 是 當 中 的 佼 佼 者 ， 這 隻 股 票 ， 亦 是 2000 年 他 人 生 首 項 投 資 的 選 擇 。
未 諗 點 贏 先 要 識 輸
散 戶 買 股 票 ， 經 常 將 投 機 當 投 資 ， 曾 駿 傑 稱 ： 「 其 實 前 者 講 『 Feel 』 （ 感 覺 ） ， 後 者 講 「 View 」 （ 看 法 ） ， 真 正 投 資 要 做 足 功 課 、 計 過 數 ， 睇 清 楚 乜 抵 買 ， 唔 好 信 『 小 道 』 消 息 ， 畀 得 你 知 ， 其 實 已 經 通 晒 天 。 」 有 「 View 」 的 股 份 ， 大 部 份 都 有 基 礎 因 素 支 持 ， 只 不 過 暫 時 被 市 場 忽 略 ， 令 價 值 便 宜 吸 引 ， 投 資 機 會 往 往 就 在 這 時 出 現 。 他 舉 例 說 ， 03 年 沙 士 時 ， 工 業 股 備 受 忽 略 ， 當 時 計 過 數 後 ， 他 發 現 很 多 具 實 質 業 務 的 工 業 股 價 值 偏 低 ， 而 且 原 材 料 價 格 正 在 下 跌 ， 認 為 這 類 股 份 「 有 景 」 ， 其 中 一 隻 他 曾 推 介 的 工 業 股 ， 當 年 股 價 僅 0.2 元 ， 今 年 已 升 超 過 10 元 。

曾 駿 傑 小 檔 案

‧ 香 港 大 學 財 務 學 學 士 ‧ 加 入 華 富 財 經 任 分 析 員 （ 主 力 工 業 股 、 銀 行 股 ） ‧ 06 年 出 任 華 富 嘉 洛 資 產 管 理 基 金 經 理
梁 凱 同 戒 盲 從 學 發 掘
在 梁 凱 同 眼 中 ， 價 值 投 資 可 分 3 種 方 法 演 繹 ， 分 別 是 ： 長 期 投 資 趨 勢 、 周 期 性 投 資 ， 及 發 掘 明 星 股 或 被 忽 略 的 股 份 。

銀 行 / 保 險 股 宜 長
1. 長 期 投 資 趨 勢 ─ ─ 即 是 不 理 會 短 期 波 幅 ， 買 入 長 遠 睇 升 的 股 份 ， 「 銀 行 或 保 險 股 最 適 合 利 用 這 方 法 投 資 ， 這 兩 個 行 業 的 最 大 資 產 是 錢 ， 用 錢 搵 錢 的 行 業 ， 最 適 合 作 長 線 投 資 。 」 不 過 ， 銀 行 股 和 保 險 股 揀 股 策 略 有 所 不 同 ， 「 銀 行 將 錢 放 人 度 ， 100 蚊 貸 款 只 要 有 2 蚊 壞 賬 ， 就 已 輸 掉 息 差 ， 銀 行 股 最 緊 要 睇 呆 壞 賬 及 是 否 穩 健 ； 保 險 則 是 積 累 別 人 財 富 ， 最 重 要 是 睇 識 唔 識 用 錢 投 資 。 」

2. 周 期 性 投 資 ─ ─ 是 具 周 期 性 投 資 潛 力 的 股 份 ， 如 基 建 、 工 業 和 地 產 股 等 ， 「 周 期 性 的 特 點 是 當 市 好 多 人 參 與 時 ， 供 應 上 升 ； 到 供 應 過 剩 ， 出 現 競 爭 ， 導 致 跌 價 ， 情 況 不 斷 循 環 ， 回 報 周 期 一 般 需 要 兩 至 三 年 。 」 例 如 內 地 汽 車 股 過 去 幾 年 因 產 能 過 剩 ， 令 業 績 低 迷 ， 近 年 設 備 使 用 率 已 見 回 升 ， 就 是 周 期 性 向 上 的 訊 號 。

揀 股 要 留 意 市 值
3. 發 掘 明 星 股 或 被 忽 略 股 份 ─ ─ 屬 風 險 及 回 報 較 高 的 投 資 策 略 ， 短 則 可 以 數 月 內 有 收 成 ， 又 或 者 冇 任 何 回 報 。 梁 凱 同 說 ： 「 發 掘 這 類 股 份 要 靠 自 己 多 留 意 市 道 ， 例 如 近 期 港 人 消 費 力 強 ， 而 零 售 股 表 現 尚 未 反 映 ， 往 往 就 是 投 資 機 會 。 」
梁 凱 同 小 檔 案

‧ 威 斯 康 辛 大 學 經 濟 學 學 士 ‧ 加 州 大 學 洛 杉 磯 分 校 經 濟 學 碩 士 ‧ 02 年 出 任 華 富 財 經 研 究 部 分 析 員 ‧ 05 年 至 今 任 精 電 企 業 發 展 經 理 ‧ 擁 有 特 許 財 務 分 析 師 （ CFA ） 資 格

後 記 師 承 亞 洲 股 神 出 道 顯 實 力
三 個 「 大 腦 」 都 曾 在 華 富 財 經 做 過 證 券 分 析 員 ， 跟 過 「 亞 洲 股 神 」 東 尼 及 其 高 徒 林 少 陽 學 ， 耳 濡 目 染 下 投 資 理 念 自 然 相 近 。 寫 報 章 專 欄 、 出 書 只 是 他 們 的 業 餘 興 趣 ， 曾 駿 傑 和 陳 建 良 現 於 華 富 嘉 洛 資 產 管 理 幫 客 投 資 搵 「 真 銀 」 ； 梁 凱 同 做 了 幾 年 分 析 員 後 ， 前 年 過 檔 蔡 東 豪 任 行 政 總 裁 的 精 電 國 際 （ 710 ） ， 當 上 企 業 發 展 經 理 。

從 分 析 到 實 戰
2000 年 初 出 茅 廬 的 曾 駿 傑 ， 短 短 7 年 間 ， 由 股 票 分 析 員 做 到 基 金 經 理 。 他 自 言 自 少 對 數 字 、 財 經 已 感 興 趣 ， 就 算 中 學 讀 理 科 ， 都 自 行 選 修 經 濟 ； 升 上 大 學 順 理 成 章 選 修 財 務 ， 立 志 投 身 財 經 界 ； 大 學 畢 業 後 ， 更 自 薦 到 華 富 財 經 工 作 ， 一 做 7 年 。 從 自 己 投 資 、 做 分 析 員 ， 到 今 日 幫 客 管 理 資 產 ， 秉 持 的 信 念 是 「 唔 輸 得 」 。 IT 出 身 的 陳 建 良 ， 並 不 認 為 電 腦 與 財 經 風 馬 牛 不 相 及 ： 「 讀 電 腦 只 是 『 開 腦 』 過 程 ， 電 腦 和 財 經 都 需 要 邏 輯 思 維 ， 才 能 將 事 情 做 好 。 」 94 年 大 學 時 代 ， 他 被 臨 時 拉 夫 代 表 學 系 出 戰 模 擬 投 資 比 賽 ， 1 個 月 時 間 贏 得 9% 回 報 ， 獲 得 第 3 名 。

孔 少 林 的 由 來
由 始 至 終 ， 曾 駿 傑 、 陳 建 良 和 梁 凱 同 並 冇 承 認 （ 亦 沒 有 否 認 ） 他 們 就 是 「 孔 少 林 」 的 骨 幹 。 不 過 ， 這 已 是 一 個 公 開 秘 密 ， 至 於 「 孔 少 林 」 的 由 來 ， 他 們 不 約 而 同 表 示 「 唔 清 楚 」 ， 相 信 要 問 一 手 策 劃 的 主 腦 — — 蔡 東 豪 。

Note: news clip from "appledaily" - 13-08-2007